A PEÑA CELTISTA DE CERPONZONES

A PEÑA CELTISTA DE CERPONZONES, ACONTECEU FAI 40 ANOS.



Era costume que nas tabernas, separadamente da súa función natural, fose un lugar que podiamos denominar daquela o Centro Social da Parroquia.

Na que se refire á que tiñan os meus pais xa teño escrito algo sobre a que acontecía ao longo do día e da noite, normalmente pola mañá podíase dividir en dúas partes, as primeiras horas enchíase de camioneiros  e obreiros, despois, a partir das dez e media aproximadamente, a taberna pasaba a ser xa máis ultramarinos, as mulleres viñan a por os víveres necesarios e de paso a charlar un pouco, o que si era curioso é que a ningunha delas ocorríaselle pedir unha consumición, naqueles anos soamente podíase ver a unha muller tomando unha consumición nunha taberna cando era un día “especial”, unha festa, unha comuñón, o día de defuntos …. eran días contados, a vez que máis mulleres vin na taberna tomándose unha consumición foi o día en que se casou a miña irmá.

Á tardiña de novo eran os homes os que facían acto de presenza mayoritariamente, chegaban os obreiros de traballar e os camioneiros e de novo facían a súa parada, terminaba a xornada cos veciños habituais que viñan xogar as súas partidas de tute, subastado e sobre todo a raíña das partidas : a brisca de seis.

Tamén adoitaban facer algún campionato de chave, o meu pai colocara no aparcamento unha chave, era moi habitual sobre todo os sábados e domingos o ver como se xogaban as consumicions.

Pero tamén o fútbol estaba presente, e por diversas razóns cada un tiñamos o noso club de preferencia, refírome a que si uns eran do Barcelona, outros do Madrid, iso si, todos eramos do Pontevedra C.F., bo, todos non, había algún que era do Celta jajajajaja.

E nun deses días que se comeza a falar de fútbol, de que si unha Peña  dun lugar próximo á nosa parroquia tocoulle un bo pellizco xogando á quiniela, de que fan excursións, e tamén que van ver ao Celta a Balaidos….

Fóronse animando uns cantos ese día e comezaron a comentarllo a máis veciños, así foi como nace a PEÑA CELTISTA DE CERPONZONES, fai deste acontecemento 40 anos.

Un dos principais culpables de crear a Peña Celtista foi Honorio.

Honorio era un hincha empedernido do Celta, eu recórdoo toda a vida falando do seu Celta, era socio e tamén según me tiña comentado tivo unha época en que tiña algunha acción do club vigués.

Os anos 70 non foron anos moi bos para o Celta, era un equipo dos denominados “ascensor”, un ano en Primeira, outro en Segunda, inclusive chegou a baixar a 2ª B, precisamente cando se crea a nosa Peña.

Pero daba o mismo o lugar en que estivese o Celta, o empeño por crear a Peña estaba xa en mente desde facía un tempo e por fin logrouse.

Nesta mesma época eu estaba facendo a mili en Figueirido, alí fun amigo dun dos mellores xogadores daquel Celta, o seu nome Angel Castiñeiras Beiras, máis coñocido por Gelo, recordo que me contara que comenzou a xogar no Vista Alegre de Santiago, e nesa época foi a facer unha proba polo Barcelona, ao final non lles convenceu e fichou polo Celta, donde estivo dez anos.

Entón, habendo un suficiente número de voluntarios para crear a Peña, decídese realizar os trámites oportunos para que se faga oficial e con todas as da lei.

Así é como uns cantos socios deciden achegarse ata o Gobierno Civil e facer as xestións oportunas para formalizar a Peña Celtista.

É un 5 de Setembro de 1979 cando se inscribe e rexístrase o Libro de Registro de Socios, o cal é asinado polo Secretario General del Gobierno Civil, pero a Peña Celtista xa levaba desde Xuño funcionando.

Aqueles días de Xuño, de preparación da Peña Celtista estaban cheos de ilusión, algúns dos socios falaban de si chegáselles a tocar, que festa ibamos facer !

Albino ! Vaite preparando para traer ás mellores orquestas de España ! Dixolle o señor Celestino.

É que cantos máis sexamos, máis oportunidades temos, mira que xa que tocou a algunha peña por aí adiante, comentaba Adonis, mentras o seu irmán Marcelino asentía.

E claro, cada vez que saía unha quiniela con poucos acertantes e aparecía un novo millonario, crecía máis a ilusión en todos os que pertenciamos á nova Peña Celtista. Neste mesmo ano de 1979 foran agraciados con máis de cen millóns das antigas pesetas, un albañil, unha empregada da Cruz Vermella e dúas señoras que eran viudas.

Seguro que nos vai a tocar pronto, seguro ! Decía Germán Chapi, teño que mercar unha avioneta para sulfatar as viñas, vaime vir ben gañar unha de catorce !

Cantas columnas facemos esta semana ? Son a quince pesetas ! Facemos o boleto enteiro ? Preguntaba Moncho o Jaxe, desta imos ir a París ! Para un pouco ! De momento facemos duas columnas, que a xente ainda non abonou o mes, contestaballe o tesorero, Juan o da RONS.

Pero a fortuna non nos chamou á porta, o que nos foi tocando eran pellizcos moi pequenos, que apenas daban para facer unha cea a final de tempada, ademais tamén xogabamos algunhas pesetas coa lotería de Nadal, pero o mesmo que coas quinielas, todos seguimos as nosas vidas igual de millonarios como cando empezamos coa Peña Celtista.

O mellor que recordo eran aquelas noites onde nos reuniamos e poñiámonos a cubrir o boleto, coas típicas discusións dos máis entendidos de fútbol cos que eran máis afins aos seus equipos preferidos, e que sempre daban a vitoria aos seus, jajajaja, que risas ao ver os resultados e as broncas que había por fallar naquelas casillas que algúns estaban seguros de que o seu equipo do alma gañaba seguro, que tempos máis entrañables !

Unha das primeiras quinielas que se fixo na Peña Celtista (10/06/1979)

LISTADO DE SOCIOS QUE CONFORMARON A PEÑA CELTISTA DE CERPONZONES

DÍA DE ALTA DE SOCIOS NO LIBRO DO REXISTRO : 12 de XUÑO 1979

VECIÑOS DE LIBOREI :

Manuel Maquieira

Rogelio Calviño

VECIÑOS DA BOUZA :

Candido Casas

VECIÑOS DE TILVE :

Luis Honorio

José Cochon García 

Adonis Pérez 

Juan Esperón

Gonzalo Costas

José Luis Torres

Emilio Calvete

Ramón Fuentes

Juan Pombo

Faustino Solla

José Luis Pintos Souto

Marcelino Pérez 

Juan Esperón Recarey

Manuel Lijero Araujo

VECIÑOS DE A MEÁN :

Albino Chan

Celestino González Calviño

VECIÑOS DE PIDRE :

German López 

Rogelio Castro

VECIÑOS DA CAÑOTA :

David Abilleira
 


Non podo decir con exatitude cando se decidiu darse de baixa a Peña Celtista, teño algunha referencia con data do 1/06/1981 que seguía activa, despóis seguramente que hubo desacordos e foise desfacendo a Peña Celtista.

A miña época de fútbol no Chan do Monte

RECORDANDO OS AÑOS 60/70 CAMPO DO CHAN DO MONTE.

Non recordo ben cando subín por primeira vez ao Chan do Monte, quizais con seis ou sete anos, daquela época recordo aínda algúns veciños que xogaban ao fútbol e que para min era os meus ídolos, xunto cos xogadores do Pontevedra do Hai que Roelo.

Os irmáns Barragans, os Losada, os Iglesias e outros moitos máis eran para min os maiores do equipo, os que eu tiña como ídolos, aos poucos fun xogando con eles porque daquela non había tope de idade para xogar, eramos todos contra todos, non importaba a idade, chegabamos ao campo e os “capitáns” escollían o seu equipo favorito e así cada un ía escollendo os que vía mellores futbolistas, normalmente os que eramos malos ou máis pequenos quedabamos para o final, de recheo coma quen dí.

Cantos domingos xogamos no Chan do Monte ! 

Daquela o campo era unha parte de terra e outra de pedras, cos extremos ateigados de toxo e panascos, un camiño de carro cruzaba pola metade do campo, cousa que facía que as veces tiñamos que parar o partido porque pasaba o paisano coas súas vacas e o seu carro cargado de herba para a súa casa.

Cantos partidos xogamos con motivo das Festas do Patrón ! 

Cantos partidos de casados contra solteiros !

Contactábamos cos rapaces de Verducido, cos de Campaño, cos de Lérez…..acercabase o día do Patrón e había que xogar un partido especial con trofeo polo medio, comprabamos entre os xogadores da parroquia o trofeo, o cal unhas veces o trofeo quedaba na casa, e outras voaba para o equipo da parroquia que disputara connosco o encontro e resultou ganador.

Non nos gustaba nada perder e menos ter que entregar aquel trofeo en forma de copa que adoitabamos mercar na Joyería Suárez, cos cartos nosos que aforramos durante o ano, daquela non había ningunha empresa que patrocinase o trofeo.

No Chan do Monte non tiñamos de nada, absolutamente nada, tiñamos que mercar nós mesmos a equipaxe, o balón, ás veces repoñer as porterías …..nin tiñamos vestuarios, os únicos sitios para cambiarnos eran os piñeiros, si, debaixo dos piñeiros cambiabámonos, e no verán a nosa única ducha que tiñamos era o río Rons, despois do partido iamos camiño abaixo, a un lugar próximo onde había unha zona do río que está rodeada de rocas, parecía unha piscina, alí dabámonos uns chapuzons fantásticos.


Recordo que os meus pais non eran partidarios de que xogase ao fútbol, sempre estaban preocupados por si me iban romper unha perna, para que me deixasen ir xogar convencinos dicíndolle que como no campo non tiñamos nada de beber e nos intermedios de cada partido tiñamos sede podía subir na carreta dúas caixas de cervexas e venderllas aos que ían ao campo, tanto xogadores como os poucos espectadores que se achegaban ata o lugar, máis ben algún pai ou veciño que non lle chamaba o pegar patadas a un balón, pero para pasar a tarde do domingo viñannos ver xogar.Así estiven durante un bo tempo subindo caixas de cervexas, desde a Rons ata o Chan do Monte, eran máis de quinientos metros costa arriba, polo que cando chegaba estaba reventado, quizais radique o de poñerme porteiro para descansar do esforzo realizado.

E aínda teño en mente a primeira vez que ocupando a posición de porteiro gañamos o primeiro trofeo na miña etapa de futbolista, foi en Lérez, onde hoxe en día está situada a gran rotonda do Médico Ballina, había unha leira onde se disputaban os partidos, chegamos empatados aos penaltis e na tanda parei varios lanzamentos. Non recordo cantas paradas fixen, o que si recordo é que gañamos un pequeno trofeo que fomos a gardar na taberna do Nenas, alí era o noso lugar de reunión despois dos partidos.

Daquela cando tiñamos algún golpe ( entradas que se facían eran de tarxeta vermella directa ) sempre recorriamos ao linimento, non había outra cousa mellor.

Ás veces antes do partido aplicabámonolo e saíamos ao campo cunha calor impresionante e un cheiro que non había quen se puxese ao noso lado.


E así foi parte da miña infancia e de moitos veciños , inesquecibles eses anos no Chan do Monte, único lugar da parroquia onde tiñamos para pasar o día do domingo, a excepción do atrio da Igrexa que nos adaptabamos ao pouco terreo que alí había para xogar uns partidillos antes de entrar a misa.

Hoxe volvín ao terreo de xogo, xa non hai terra, nin pedras, nin toxos…..o que vin hoxe é un excelente campo, cos seus vestuarios e as súas gradas, o seu céspede, as porterías con rede….en fin, que non lle falta de nada.

Estando alí de novo, no remozado Chan do Monte viñéronme á mente os meus recordos daquela época, e tiven unha ilusión ao pisar o céspede, quería ser de novo aquel porteiro do Cerponzons, necesitaba sentir esa sensación de poñerme de novo debaixo da portería, para iso necesitaba dun voluntario que quixese tirarme un penalti, aproveitando a visita do Sr. Alcalde propúxenlle o reto, sen dubidalo nin un momento o Alcalde colleu de balón e foise cara ao punto de penalti, eu xa estaba camiño da portería desposuíndome polo campo adiante da parka, lentes, o móbil…..

Alí me fun á portería, a miña intención era a de lanzarme cara a onde a intuición de porteiro indicábame por onde me colocaría o disparo.


As imaxes dino todo, menos si puiden parar o tiro ou si en cambio meteume gol.

Só os que estaban presentes sábeno.


Hoxe tiven o honor de estrear o campo de fútbol co alcalde Lores.

Hoxe o neno que levo dentro sentiuse feliz e non lle pincharon os toxos.

O HIMNO DO CERPONZONS C.F.

O CERPONZONS C.F. XA TEN O SEU HIMNO !!!


 https://www.farodevigo.es/multimedia/audios/sociedad/2019-09-30-1663-suena-himno-cerponzons-club-futbol.html

TEXTOS QUE VEÑEN INCLUIDOS NO USB DO HIMNO DO CLUB :

EXC. ALCALDE DE PONTEVEDRA :

Miguel Anxo Fernández Lores

Alcalde de Pontevedra
É unha satisfacción inmensa saudar e darlle a benvida ao que, a partires de agora, se convertirá no estandarte musical do Cerponzóns Club de Fútbol. O nacemento deste himno vai moito máis aló da composición dunha melodía que identifica a un equipo de fútbol, porque moitos sabemos que é o resultado de todo un traballo colectivo e que recolle o espírito de comunidade que a parroquia mantén con tesón. Non en van, este himno chega no marco da conmemoración dos 1.000 anos do primeiro documento que, de xeito oficial, fai referencia á parroquia de Cerponzóns. A ocasión non podía ser máis acaída.

Se Cerponzóns creou un equipo federado a partires dunha tradición previa de encontros amigables e pequenos trofeos, máis ligados ao ocio que a competición, foi precisamente grazas ao soporte da afección, e nomeadamente dun grupo de persoas que encabezaron o proxecto e souberon mantelo no tempo, capeando os altibaixos. Porque niso precisamente consiste este deporte, en afrontar con deportividade todos os partidos, sempre co espíritu do gañador.

‘Cerponzóns sentimento de equipo gañador’ recolle moi acertadamente a letra de este himno. É este o lugar axeitado para felicitar á veciñanza da parroquia, en especial a Enrique Alvite e Adrián Saavedra, autores de letra e música. Estou cerró que ‘Cerponzóns ti es un club de campións’ será coreado con orgullo e emocionará á afección antes de cada partido. Co desexo de que este himno que hoxe vemos nacer sexa símbolo dunha gran traxectoria plena de éxitos, reitero os meus parabéns a todas as persoas que o fixeron posible.

CERPONZÓNS C.F. :

Estimado/a socio/a :
Para a actual Xunta Directiva do Cerponzóns C.F. é unha gran satisfacción poder presentarvos este himno, unha canción composta con enorme ilusión, cariño e traballo polo nosos veciños Enrique Alvite e Adrian Saavedra, un dos nosos fundadores e ex-xogadores do clube.

 Este himno, que tamén é posible grazas a colaboración do Concello de Pontevedra e a Asociación de Veciños O Chedeiro, persegue o obxetivo de manter no futuro o nome da nosa parroquia e o noso clube.
Aproveitando a ocasión, gustaríanos recordar a todas e cada unha de aquelas persoas que dende 1996, con gran ilusión é de forma desinteresada e altruísta, fixeron posible que o Cerponzóns CF chegue ata ese día.
É por suposto, non nos cansaremos de repetilo, grazas tamén a todos os nosos socios, patrocinadores e colaboradores, porque sen o voso gran de area, sería imposible seguir mantendo vivo este clube.
Atentamente,
Xunta Directiva Cerponzóns CF

ASC. DE VECIÑOS  O CHEDEIRO :



Cando na Asociación de Veciños O Chedeiro de Cerponzóns soubemos que se ía a construír un novo campo de fútbol pensamos que era un bo momento de crear un himno que identificase o noso equipo e que se fixese público coa celebración de unha efemérides de importancia, neste caso a celebración do Milenario da Parroquia.

Así llo fixemos saber ao presidente e directiva do primeiro equipo de fútbol, comentámoslle a nosa idea e pedimos a súa autorización para levar acabo este traballo, desde o primeiro momento foi do seu agrado a nosa proposta e dixéronnos que adiante.

O primeiro que fixemos foi buscar quen podía facernos o himno, a nosa idea era que tiña que ser algún veciño da parroquia, dado que temos persoas musicalmente cualificadas para poder facer ese traballo.

E este traballo recaeu en Enrique Alvite e Adrián Saavedra, dous músicos con grande experiencia para poder levar a cabo a nosa ilusión.

Dixémoslle a Enrique Alvite que buscabamos un himno para o Cerponzóns CF, un himno que fose símbolo acústico que identificase o noso equipo de fútbol.

Fómoslle comentando, dado que Enrique sería o autor da letra, que queriamos un himno onde se identificase o nome do equipo e a parroquia.

Tamén que se nomease a afección, que se reflectise a capacidade de loita e nobreza do equipo, o desexo de vitoria e por suposto que se fixese referencia á historia do equipo e todos aqueles xogadores que pasaron polo noso querido club.

Enrique tomou nota e compuxo un himno harmónico e á vez melódico con certo carácter de desfile e que fose sinxelo para facilitar a súa memorización.

Logo de realizar este traballo, tocoulle a quenda a Adrián Saavedra, el encargouse dos arranxos para batería, baixo, guitarras e teclados.

Adrián Saavedra tamén levou o peso da produción de estudo, facendo os arranxos e partes, ademais levou a responsabilidade da gravación.

Para dar a coñecer o himno a todas as persoas seguidoras do club pedimos a colaboración ao Concello de Pontevedra, o cal faría as xestións oportunas para a realización de copias do himno do Cerponzóns CF, que serán entregadas a todos os socios do club.

Desde a asociación de veciños quixemos que a inauguración do himno formase parte das celebracións que estamos levando a cabo durante o ano do Milenio da Parroquia de Cerponzóns.

Agora coa colaboración do Concello de Pontevedra e da man do responsable de coordinación do área do rural Alberto Oubiña e da concelleira responsable da parroquia Pilar Comesaña podemos comunicar a todas as persoas socias, simpatizantes e veciñas e veciños en xeral, que o vindeiro domingo día 29/09/2019 o himno será realidade é poderán ter unha gravacion gratuíta cada socio do Cerponzóns CF.

Comenzará a entrega da copia do himno os socios do club media hora antes do partido de fútbol.

FARO DE VIGO

TEMAS RELACIONADOS CON HIMNO….


FIXEMOSLLE ENTREGA DE UNHA COPIA A DEMETRIO GÓMEZ :

DIARIO DE PONTEVEDRA :


LETRA DO HIMNO :

Entoando este himno doume conta 

que me late o corazón con moita forza 

Cerponzóns ti es un club de campións 

e por iso che cantamos con paixón.

Chan do monte tes recordos de valor,

de orgullo exemplo e tesón,

arroupado por esta grande afección,

que eu levo sempre no meu corazón. 

Cerponzóns Cerponzóns sentimento de equipo gañador.

Cerponzóns Cerponzóns que te entregas coma ninguén, 

porque sentes o fulgor de levar a camiseta con honor. 

Entoando este himno doume conta 

que me late o corazón con moita forza 

Cerponzóns ti es un club de campións 

e por iso che cantamos con paixón.

Cerponzóns Cerponzóns sentimento de equipo gañador.

Cerponzóns Cerponzóns que te entregas coma ninguén, 

porque sentes o fulgor de levar a camiseta con honor. 

Cerponzóns Cerponzóns sentimento de equipo gañador.

Cerponzóns Cerponzóns que te entregas coma ninguén, 

porque sentes o fulgor de levar a camiseta con honor. 

Cerponzóns ti es un club de campións.

EN RADIO COPE, O ALCALDE FALA SOBRE O HIMNO :

https://www.cope.es/emisoras/galicia/pontevedra-provincia/pontevedra/audios/lores-felicita-los-vecinos-cerponzons-por-enorgullecerse-parroquia-con-himno-20191002_871180



EME RADIO, 91.7 FM , entrevista co Secretario da Asociación de Veciños :

https://soundcloud.com/juan-jose-esperon-recarey/eme-radio-91-7-fm-himno

Nota : O pai de Adrian Saavedra ( Francisco Saavedra López) foi o primeiro presidente que tivo o Cerponzons C.F., donde Enrique Alvite era ademáis de xogador era Vicepresidente do Club.
Algo máis sobre ADRIAN SAAVEDRA :

https://roquecerponzons.wordpress.com/2016/11/05/un-talento-no-mundo-da-musica/

Algo máis sobre ENRIQUE ALVITE :           

https://roquecerponzons.wordpress.com/2016/10/03/enrique-alvite-compositor/

UN POUCO DE HISTORIA DO CERPONZONS C.F. :

https://roquecerponzons.wordpress.com/2016/10/13/canteira-de-futbol-ano-1997/

ALGUNS EQUIPOS DO CERPONZONS DE DISTINTAS ÉPOCAS:






DAVID FALCÓN DOCAMPO, O NOSO CRACK DO FÚTBOL 

DAVID FALCÓN DOCAMPO ( 08/01/1973 )

David Falcón
 
COMENZOS

Comeza a súa carreira deportiva na Asociación Xuvenil de Lérez, finalizou a súa etapa de xuvenil no Portonovo, xogando na Liga Galega.

Na idade de senior comezou xogando no equipo de Baltar, daquela en Rexional Preferente, onde adestraba ao equipo Javier Canosa, alí nesa época David coincide co seu gran compañeiro Cubeiro.

Ocorría esto na tempada 1991/92 e a achega de David contribuíu a que o Portonovo ascendese a Terceira División.

David tamén estivo baixo as ordes do adestrador Pedro Villanueva e seguidamente de Alberto Argibay, neste periodo o noso centrocampista non puido manter unha continuidade nos equipos titulares debido aos seus problemas musculares, os cales impedíanlle adestrar con regularidad.


Logo desta estancia no Portonovo, David xunto con algúns dos seus compañeiros de equipo, chega ao Xuventude de Cambados, atraído pola idea de militar nun equipo que está baseado na mocidade.


Comentaba David naquel momento aos medios de comunicación que ” foi Javier Canosa quen me ofreceu a posibilidade de xogar non Cambados, e, ó informarme dá reestructuración que tentaba realizar ou equipo, animeime a vir “.

David comeza a xogar co equipo titular no campo do Mosteiro, leva unha longa tempada ausente por culpa das lesións.


David recorda así o seu periplo de lesións : ” primeiro foi un corte non xemelo, con infección posterior, que sufrin nun partido contra ou Estradense; despóis, xogando en Carballo, producinme unha luxación de cóbado. Estas interrupcións cortáronme ou ritmo, tanto físico coma técnico, pero despois dá miña actuación en Mosteiro, e sobre todo ante ou Barco, pódese considerar que me recuperei case ou cento por cento “.

Daquela preguntábanlle a David polas claves que levaron ao equipo a realizar unha final de primeira volta de liga tan boa, David coincidía cos seus compañeiros de equipo, o bo ambiente e a harmonía que existía no plantel, ata coa Xunta Directiva !

Comentaba David ” Non trátase dun tópico: é a realidade. Cando un equipo funciona así, é máis sinxelo superar vos baches. Ou Cambados foi gañando confianza en si mesmo, polo que, dada a igualdade existente, non hai partidos perdidos de antemán; ante calquera rival pódese facer un home encontro “.

O entrevistador insistía en preguntarlle a David pola boa racha que tiñan neses momentos, David apuntaba igualmente a que a condición física que estaba demostrando o equipo en conxunto : ” A xuventude do plantel, que ou principio era un problema, pouco a pouco vaise convertendo nunha ventaxe, pois estamos a afrontar vos tramos finais de cada partido con máis forza cós rivais “.

Decía  David naquela entrevista que era consciente da importancia daquel mes de Xaneiro de cara o final da liga : ” De todos os xeitos, ainda que superar ou Portonovo e Lalin, será importante, insisto en que todos os rivais son asequibles “.

David remataba a entrevista confesando que non tiña obsesión por chegar lonxe no mundo do fútbol: ” Agora aspiro a recuperar o tempo perdido o pasado ano no Portonovo, no que as lesións non me deixaron render; aspiro a ser útil ó equipo, e para iso vou traballar. Non dubido que consigamos a permanencia, polo que me gustaría seguir máis tempadas en Cambados “.


David destacou moi pronto no seu faceta de centrocampista, sabía racionalizar o desenvolvemento da progresión e profundidade no xogo, facíao perfectamente, tanto no plano ofensivo como no defensivo, así era que en todos os equipos polos que pasou sempre era capaz de establecer o perfecto equilibrio ofensivo-defensivo durante o xogo.


Pero quizais no que máis destacaba David era na percepción que tiña de sentido e orientación, conectaba moi ben co grupo, ademais manexa de boa forma os espazos libres deixados polo equipo contrario.


RUBÉN RUIBAL IGLESIAS, paixón polo fútbol 

Rubén Ruibal Iglesias ( 31/01/1991 )

Rubén Ruibal


Comezou a súa carreira deportiva durante dous anos na escola de fútbol do Pontevedra C.F., aínda non podía competir en benjamines debido á súa curta idade.

Xa en idade de benjamín, debuta no Pontevedra C. F. Na tempada 99/00 , estando tamén na 2000/01
Sobe á categoría de alevin no Pontevedra, disputando a liga galega, estando na máxima categoría. Era a tempada 2001/02 e 2002-03


Rubén despunta calidades e pasa na tempada 2003/04 a xogar nos Infantís do Pontevedra cf , tamén na liga galega, tamén na máxima categoría.


Na tempada 2005/06 fai a súa debut nos Cadetes do Pontevedra cf , estando o equipo en división de honor , máxima categoría na que se pode xogar a esta idade.Tamén xoga na mesma categoría na tempada 2006-2007.

Os Xuvenís do Pontevedra cf son o seu seguinte paso , tamén están na máxima categoría, a división de honor, sucede na tempada 2007/08 , 2008/09 e 2009/2010


É na tempada 2010/11 cando dá o salto á 3ª división da man do Portonovo C.F. na categoría senior.

Á tempada seguinte 2011/12 vaise a xogar ao Sporting de Marin, este ano xoga en 1ª Rexional, ao pouco tempo sufre unha grave lesión de ligamento cruzado anterior do xeonllo dereito.

Debido aos seus estudos e as molestias que seguía tendo no xeonllo, decide virse a xogar co noso equipo, o Cerponzons C. F. En 3 ª rexional, así podía xogar cos seus amigos da parroquia, era o ano 2013.

Foi no ano 2015 cando debido a unha pulbagia decide colgar as botas.


Rubén destacou na súa posición de defensa central, destacaba pola súa colocación e anticipación, a súa velocidade e concentración, grazas a estas calidades fixo que fose un dos mellores futbolistas galegos nesa posición, a súa achega aos equipos polos que pasou foi a de intentar co seu labor no campo que a portería dos seus equipos mantivésense a cero en multitude de partidos.

DANIEL GÓMEZ PAZ, Balonman

DANIEL GÓMEZ PAZ       


  Nado o 16 de Xaneiro de 2002

Iniciase no deporte aos 4 anos e desde enton nunca o deixou ata a data.
Aos 4 anos practica Natación, sendo seleccionado polo clube Galaico

Aos 6 anos practica Baloncesto no desaparecido Celso Míguez

Aos 7 anos practica Futbol no equipo A Seca de Pontevedra

Aos 8 anos practica Balonmán no S.D. Teucro donde permanecerá ata a actualidade

No ano 2015 foi convocado pola Selección Galega de Balonmán para participar no Campionato de España de seleccións celebrado en Castellón donde acadaron ser a cuarta mellor selección de España.

No ano 2017 foi convocado novamente pola Selección Galega de Balonmán para participar no Campionato de España de seleccións celebrado en Vigo – Pontevedra donde acadaron ser a sexta mellor selección de España.

Foi seleccionado tamén pola Selección Española de Balonmán nos anos 2015 e 2017 para participar en varias sesións de adestramento de Xóvenes Promesas do balonmán celebradas en Segovia.


Na actualidade continúa coa práctica deste deporte co seu equipo S.D. Teucro na categoría de Cadete 


Enlace relacionado :

http://www.farodevigo.es/deportes/pontevedra/2017/06/17/dani-gomez-convocado-seleccion-espanola/1700241.html

Dani Gómez, convocado por la selección española cadete

El jugador del Teucro participará en unas jornadas de tecnificación en Soria

Redacción | Pontevedra 17.06.2017 | 
El buen trabajo de la SD Teucro en las categorías inferiores del club comienza a dar sus frutos como lo refleja la convocatoria del jugador cadete, Daniel Gómez Paz, para participar en unas jornadas de tecnificación que organiza la Federación Española de Balonmano entre el 15 y 20 de julio en Soria.

El joven pontevedrés será uno de los 38 jugadores de la generación del 2002 que serán observados por el cuerpo técnico de la Federación. El teucrista ya participó bajó las órdenes de Jordi Ribera en unas jornadas que se celebraron en Galicia para conocer a las promesas del balonmano gallego

Dani Gómez estará acompañado en esta convocatoria cadete en Soria por otros dos jugadores gallegos, Pablo González, del Carballal, e Iñaki Míguez, de la SAR de Redondela.

ALEJANDRO GÓMEZ PAZ, Balonman

ALEJANDRO GÓMEZ PAZ 


Nado o 08 de Xuño de 1999

Iníciase no deporte aos 3 anos e desde entón nunca o deixou ata a data.
Aos 3 anos practica Natación 

Aos 4 anos practica Natación e Taekuondo

Aos 5 anos practica Natación e Futbol sala en Leis Pontevedra
Aos 6 años practica Baloncesto no desaparecido Celso Míguez e Futbol sala

Aos 7 anos practica Baloncesto e Balonmán no Teucro

Aos 8 anos decántase polo Balonmán na S.D. Teucro, xa que non podía combinar os partidos dos dous deportes. 

Con este club foron campións de liga no ano 2012 conseguindo o pase para o campionato de España de clubes celebrado en Sevilla donde acadaron ser o séptimo mellor equipo de España da súa categoría.

No ano 2013 foi convocado para participar coa Selección Galega de Balonmán para participar no campionato de España de seleccións celebrado en Asturias donde acadaron ser a quinta mellor selección de España.

No ano 2015 foi novamente convocado pola Selección Galega de Balonmán para participar no Campionato de España de seleccións celebrado en Castellón donde acadaron novamente ser a quinta mellor selección de España.

Na actualidade continúa coa práctica deste deporte co seu equipo S.D. Teucro na categoría de 1ª Nacional , combinando os adestramentos co primeiro equipo que se atopa na máxima categoría do balonmán español, ASOBAL.
Combina a práctica deste deporte cos seus estudos na Universidade en Vigo.

ISMAEL VIEITEZ, triatlón 

 ISMAEL VIEITEZ PORTO

O triatlón é un deporte individual e de resistencia, que reúne tres disciplinas deportivas: natación, ciclismo e atletismo. Caracterízase por ser un dos deportes máis duros que existen no panorama competitivo internacional actual. Os deportistas que o practican manteñen un severo calendario de adestramentos para poder facer fronte ás esixentes condicións das probas, tanto físicas como psicolóxicas.

26/04/2019, Nota do equipo Tríatlon Arteixo :

O primeiro dos nosos rapaces en participar no @itupontevedra19, foi @triteta que rematou cuarto no seu grupo de idade no Campionato do Mundo de Duatlon Standard. 

Isma Vieitez fixo unha gran carreira, manténdose en cabeza en moitos momentos e sendo o segundo máis rápido no primeiro sector a pé (35:11). Saíu da T1 en cabeza, pero a dureza do sector ciclista pasoulle factura. Chegou aos últimos cinco kilómetros de carreira a pé con calambres nas pernas e pouco lles faltou para conseguir remontar e subirse o podio. Sen embargo, quedouse a só a 17″ de logralo. Pese a todo, Isma realizou un traballo espectacular durante toda su proba, deixando moi arriba o nome do noso clube.

¡Noraboa!

NOVO TRIUNFO (29/04/2018)

https://www.lavozdegalicia.es/noticia/arousa/2018/04/30/ramon-troncoso-ismael-vieitez-ganan-ocean-lava-galicia/0003_201804P30C6997.htm

DATOS DEPORTIVOS NATACIÓN

1998 – 2007 Club Natación Pontevedra (Participación en competiciones a nivel autonómico)

DATOS DEPORTIVOS SALVAMENTO ACUÁTICO Y SOCORRISMO

2008 – 2014 Club Salvamento Acuático de POntevedra (SAPO)

PARTICIPACIÓN NACIONAL

Cto de España Xunior de verán (Pontevedra, 2010)

 2º Clasificado Rescate con tabla

 3º Clasificado Taplin

DATOS DEPORTIVOS atletismo

Hasta 2014: Sociedad Gimnástica de Pontevedra

2014 – actualmente: Club Deportivo San Paio de A Estrada

PARTICIPACIÓN AUTONÓMICA

1º Clasificado Absoluto Carreira Teo (2014)

3º Clasificado por equipos Cto. Galego Cross Largo (Ribadavia, 2018)

PARTICIPACIÓN NACIONAL

Cto de España Promesa de Campo a Través (Punta Umbría, 2011)

Cto. de España Promesa de Campo a Través (Marina D’or, 2013)

Cto. de España Absoluto de Campo a Través (Gijón, 2018)

DATOS DEPORTIVOS acuatlón
PARTICIPACIÓN AUTONÓMICA

2º Clasificado Campionato Galego infantil (Ferrol, 2006)

2º Clasificado Campionato Galego Júnior (Ferrol, 2010)

DATOS DEPORTIVOS duatlón 
PARTICIPACIÓN AUTONÓMICA

2º Clasificado Cto. Galego Duatlón Cross (Poio, 2009)

3º Clasificado Cto. Galego Sub-23 

PARTICIPACIÓN NACIONAL

1º Clasificado por equipos Cto. España Cadete (Fuenlabrada, 2008)

2º Clasificado por equipos Cto. España Júnior (Gijón, 2010).

DATOS DEPORTIVOS triatlón

2006 – 2014 Club Triatlón Galaico Cidade de Pontevedra

2015 – Actualmente Triatlón Arteixo

PARTICIPACIÓN AUTONÓMICA

1º Clasificado Cto. Galego Júnior Triatlón Cross (Pontevedra, 2009)

3º Clasificado Cto. Galego Triatlón Sub-23 (Pontevedra, 2013)

3º Clasificado Cto. Galego Triatlón Sub-23 (Lugo, 2014)

1º Clasificado Triatlón Redondela 2017

2º Clasificado Triatlón Rianxo 2017

PARTICIPACIÓN NACIONAL

3º Clasificado por equipos Cto. España Cadete (Ferrol, 2007)

3º Clasificado por equipos Cto. España Cadee (Ceuta, 2008)

2º Clasificado por equipos Cto. España Júnior (O Grove, 2009)

2º Clasificado por equipos Cto. España Júnior (Pulpí-Almería, 2010)

2º Clasificado por equipos Cto. España Promoción (ascenso a Segunda División) 2017

ENLACES RELACIONADOS CON ISMAEL :

https://runedia.mundodeportivo.com/rb/ismael-vieitez-porto/

MYRIAM VIEITEZ, salvamento acuático 

MYRIAM VIEITEZ PORTO

O conxunto de coñecementos, normas e destreza empregados para a efectiva vixilancia, protección e atención das persoas que acoden ás diferentes áreas acuáticas de deporte e recreación de uso público é o deporte que practicou a nosa veciña do lugar de A Mean.

DATOS DEPORTIVOS NATACIÓN

1998 – 2007 Club Natación Pontevedra
2007 – 2009 Club Natación Vilagarcía

PARTICIPACIONES AUTONÓMICAS

2ª Clasificada 200m costas. Ano 2000/2002/2003/2004/2006

3ª clasificada 100m costas. Ano 2000/2002/2003/2004/2006

PARTICIPACIONES NACIONALES

Campeonato de España Alevín por CCAA (Valladolid, 2000)

Trofeo Internacional Infantil por CCAA (Cantabria, 2002)

Campeonato de España Infantil (Terrasa, 2002)

Campeonato de España Infantil (Barcelona, 2003)

Campeonato de España Máster Inverno OPEN (Pontevedra, 2011)

 1ª clasificada (+20) 100 e 200 costas

 2ª clasificada (+20) 100 libres e 100 bolboreta

Campeonato de España Universitario (Huesca, 2010)

Campeonato de España Universitario (Málaga, 2011)

Campeonato de España Universitario (San Sebastián, 2012)

DATOS DEPORTIVOS SALVAMENTO ACUÁTICO Y SOCORRISMO

2006 – 2014 Club Salvamento Acuático de POntevedra (SAPO)

2015 – 2016 Club Salvamento Vilagarcía

2017 – 2018 Club Salvamento Acuático de POntevedra (SAPO)

PARTICIPACIÓN AUTONÓMICA

2ª clasificada de Liga en inverno e verán ano 2007/2008/2009

PARTICIPACIÓN NACIONAL

Cto de España Xuvenil e Xúnior por CCAA (Santander, 2008)

Cto de España Xunior e Absoluto de verán (Pontevedra, 2010)

Cto de España piscina e augas abertas por CCAA (Alicante, 2011)

Ronda AECSA en augas abertas por CCAA (Alicante, 2011)

 4ª clasificada en proba de Oceanwoman

 5ª clasificada en carreira de bandeiras

Ronda AECSA en augas abertas (Ribeira, 2011)

Cto de España Absoluto verán CCAA (Santander, 2012)

Cto de España Absoluto verán (Alicante, 2013)

PARTICIPACIÓN INTERNACIONAL

IV Circuito Internacional Cáceres 2016 por CCAA (Cáceres, 2008)

VI Trofeo Internacional Salvamento y Socorrismo piscina 25m CCAA (Cáceres, 2010)

 3ª clasificada 100m combinada

Festival d´Hossegor Sauvetage Côtier por CCAA en augas abertas (Hossegor, 2011)
ENLACES RELACIONADOS :

http://sapopontevedra.blogspot.com.es/2008/09/la-federacin-gallega-convoca-diez.html

23/9/08

La federación Gallega convoca a diez deportistas del Sapo para acudir al estatal por comunidades

La Selección Gallega de Salvamento y Socorrismo de Galicia participará desde el 18 al 21 de septiembre en el Campeonato Nacional por Comunidades que se celebrará en Santander. El seleccionador autonómico convocó para esta comnpetición a 14 nadadores, de los que 10 pertenecen al Salvamento Acuático Pontevedra (SAPO). 

Los elegidos del club fueron: Silvia González Tarrio, Silvia Caneda Bernárdez, Andra Novás Cortés, Miriam Vieitez Porto, Noz Floriano Doval, Martin Tenorio Freire, Adrián Fernández Martínez, Borja Gulias Parga, Eugenio Novás Cortés y Rubén Ouviña Paz.

Publicado por “S.A.PO”

http://www.farodevigo.es/tags/travesia-a-nado.html?p=3

Travesía a nado

Medio centenar de nadadores participan en la I Travesía de Rodeira

2016-08-28 Miriam Viéitez y Vicente Becerra fueron los vencedores en la categoría absoluta.